當然有好多人真係病需要假紙。但係更加多嘅人唔係病，但係都想要假紙。後者就真係千其百趣，不過唔該做多啲功課，令到我覺得冇理由唔開俾你。
我成日講，假紙係一個我要負責任嘅Document。唔係兒兒戲戲你求我，我就心軟，好啦俾你啦嘅普通一張白紙。係有Medico-legal Obligations。三唔識七，我唔會為咗你冇咗我個牌架。
Any肥，隆重登場：呃假紙反面教材系列
第一式
其實唔使打電話嗰陣，對住個登記姑娘就已經開始咳或者扮晒聲沙/失聲嘅。姑娘係開唔到假紙俾你架。同埋呀姑娘係唔會因為你係電話嗰度咳 ，而即刻預早阿醫生講：「原來佢好似好病啊，講個電話都要咳！陰公豬囉！睇嚟你都要俾定張假紙佢！」
自己病就自己留返同醫生講啦。同埋點解我知佢扮病？因為佢係未收好線之前，開返佢嗰把扮沙/扮失嘅聲同佢隔離個friend講野。呢個先係重點。📞
Search